कस्तो रहला आजको मौसम ?

काठमाडौं – काठमाडौंसहित मध्य र पश्चिमका धेरै ठाउँको मौसम बद्ली भएको छ । पश्चिमी न्यूनचापिय प्रणालीसँगै स्थानिय वायू र बंगालको खाडीबाट आएको जललवाष्पयुक्त हावाका कारण मौसम बद्ली भएको मौसम पूर्वानुमान महाशाखाले जनाएको छ ।

यो प्रणाली विस्तारै पूर्वतीर सर्दै गरेकाले पूर्वमा पनि बद्ली हुने मौसमविद्ले बताएका छन् । महाशाखाका अनुसार आज पनि मौसम खुल्ने सम्भावना छैन ।

पहाडी क्षेत्र र तराईका केही ठाउँमा मेघगर्जनसहित पानी पर्ने अनुमान गरिएको महाशाखाका मौसमविदले बताएका छन् । पश्चिमी न्यूनचापिय प्रणाली र बंगालको खाडीबाट आएको जलवाष्पयुक्त हावाका कारण बैशाखको अन्यमा पनि चिसो छ ।

आगामी तीन दिनको मौसम पूर्वानुमान

बैशाख ३० गते (मंगलबार)

दिउँसोः  देशको अधिकांश भू-भागमा सामान्य  बदली रहनेछ। देशको पहाडि भू-भागका केही  स्थानहरुमा र तराईका थोरै स्थानहरुमा मेघगर्जन/चट्याङ्ग/असिना र हावाहुरी सहित वर्षा को सम्भावना रहेको छ।

रातीः  देशको पुर्वी  र मध्य भू-भाग लगायत पश्चिमी  पहाडि भू-भागमा सामान्य  बदली र बांकी भू-भागमा आंशिक बदली रहनेछ। पूर्वी  तथा मध्य भू-भागका थोरै स्थानहरु र पश्चिमी भू-भागका एक वा दुई स्थानमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

बैशाख ३१ गते (बुधबार)

दिउँसोः  देशको अधिकांश भू-भागमा सामान्य  बदली रहनेछ।पूर्वी भू-भागका केही स्थानहरु र पश्चिमी तथा मध्य भू-भागका थोरै स्थानहरुमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

रातीः  देशको पुर्वी तथा मध्य भू-भागमा सामान्य  बदली र बांकी भू-भागमा आंशिक बदली रहनेछ। पूर्वी र मध्य भू-भागका केही स्थानहरु तथा पश्चिमी भू-भागका एक वा दुई स्थानहरुमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

जेठ १ गते (बिहीबार)

दिउँसोः  देशको पुर्वी  र मध्य भू-भाग लगायत पश्चिमी  पहाडि भू-भागमा सामान्य  बदली र बांकी भु-भागमा आंशिक बदली रहनेछ।पूर्वी भू-भागका केही स्थानहरु र पश्चिमी तथा मध्य भू-भागका थोरै स्थानहरुमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

रातीः   देशको अधिकांश भू-भागमा सामान्य  बदली रहनेछ। पूर्वी र मध्य भू-भागका केही स्थानहरु तथा पश्चिमी भू-भागका थोरै स्थानहरुमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs):

देशका  पहाडी भू-भागका केहि  स्थानहरुमा  र तराईका थोरै स्थानहरुमा मेघगर्जन/चट्याङ्ग/ असिना र हावाहुरी   सहित   वर्षाको सम्भावना रहेको छ।