काेराेनाका गम्भीर बिरामीको दर घट्दै

एजेन्सी – कोरोना भाईरसको संक्रमण पुष्टि भएकामध्ये १५ लाख भन्दा धेरै व्यक्ति निको भएर घर फर्किएका छन् । कोरोना संक्रमित ४२ लाख २१ हजार भन्दा धेरै संक्रमितमध्ये १५ लाख ८ हजार भन्दा धेरै व्यक्ति निको भएर घर फर्किएका वल्र्डओमिटरले जनाएको छ ।

संक्रमितमध्ये २४ लाख २७ हजारको विभिन्न अस्पतालमा उपचार भैरहेको छ । उपचाररत बिरामीमध्ये गम्भीर बिरामीको दर पनि घट्दै गएको छ । यसअघि ३ प्रतिशत बिरामी रहेकोमा अहिले घटेर २ प्रतिशतमा झरेको छ ।

पछिल्लो तथ्यांक अनुसार ४७ हजार बिरामी गम्भीर प्रकृतिका रहेका छन् । विश्वभर २१२ देशमा फैलिएको कोरोनाको संक्रमणका कारण अहिलेसम्म २ लाख ८४ हजार भन्दा धेरै जनाको मृत्यू भैसकेको छ । सबैभन्दा धेरै संक्रमण अमेरिकामा फैलिएको छ ।

अमेरिकामा अहिलेसम्म ८० हजार भन्दा धेरै मानिसको ज्यान गैसकेको छ भने १३ लाख ७० हजारमा संक्रमण पुष्टि भएको छ ।