सदाबहार जवान देखिन अपनाउनुस यस्तो जीवनशैली

मानिसको सबै भन्दा आकर्षक व्यक्तित्व जवान हुँदा झल्किन्छ । बल, तागत, हिम्मत लगायतका शारीरिक तथा अन्य धेरै मानसिक तथा संवेगात्मक पक्षमा यो बेला निकै सवल मानिन्छ । हो, समय र छालले कसैलाई पर्खदैन । दिन वितेसँगै हामीमा भएको स्फूर्ति तथा तागत पनि कम हुँदै जान्छ अनि भन्न थाल्छौँ बुढेसकाल लाग्यो ।

हामी उमेर त रोक्न सक्दैनौँ तर उमेर सँगै आउने परिवर्तनलाई भए पनि केही समयका लागि रोक्न सक्छौँ । आउनुहोस सिकौँ कसरि ती परिवर्तनहरुलाई रोक्ने ? कसरि जवान देखिने ?

१. धुम्रपान नगर्ने, तनाव नलिने

मानिसले तनाव कम गर्ने बाहानामा धुम्रपान गर्ने गरेको पाइन्छ । विज्ञहरुका अनुसार स्वस्थ जीवनशैलीले स्वस्थ जीवन जीउन सहयोग गर्दछ । उनीहरु भन्दछन्, धुम्रपान नगर्नाले मानिसको आयु १० बर्ष सम्म लम्बिन्छ र तनावलाई सहि व्यवस्थापन गर्न सकेमा आयुलाई १६ बर्षसम्म बढाउन सकिन्छ ।

२. स्वस्थ आहार

स्वस्थ आहार नै स्वस्थ जीवनको आधार हो । हामीले खाने आहारले शरीरको अवस्था सृजना गर्दछ । यदी हामीले चिल्लो, गुलियो तथा अमिलो खानाको प्रयोग धेरै गर्यौँ भने शरीर अस्वस्थ हुन्छ । यी तत्वहरुलाई समुचित रुपमा प्रयोग गरेर स्वस्थ खाद्य शैली अपनाउन सकेमा हाम्रो शरिर स्वस्थ भई हामी दीर्घ जीवी बन्न सक्दछौँ ।

३. निममित व्यायाम

शरीरलाई व्यायाम आवश्यक हुन्छ । नियमित व्यायामले शरीरका पाटपुर्जाहरुलाई सक्रिय बनाउदछ । अध्ययनले के भन्छ भने नियमित शारीरिक व्यायाम गर्ने मानिसको आयु औसत मानिसहरुको भन्दा ४ देखि ९ बर्ष सम्म बढी हुने गर्दछ ।

४. दिमागलाई सक्रिय राख्नुस

भनिन्छ, खाली दिमाग सैतानको घर हो । यदी हाम्रो दिमागलाई बौद्धिक क्षेत्रमा लगानी गरिएमा त्यसले स्वस्थ जीवन जिउन सहयोग गर्ने अध्ययनले पनि देखाइसकेको छ । पुस्तक पढ्ने, संगित सुन्ने, तर्क वा वादविवाद गर्ने लगायतका बौद्धिक क्रियाकलापहरु गर्नाले मानिसको उमेर सँगसँगै आउने परिवर्तनलाई केही हदसम्म रोक्न सकिने खोजकर्ताहरुले बताएका छन् ।