उत्तर कोरियाली नेता किमले रसियाली राष्ट्रपति पुटिनलाई पठाए बधाई पत्र

काठमाडौँ -उत्तर कोरियाली सर्वोच्च नेता किम जोङ उनले रसियाका राष्ट्रपति भ्लादिनिर पुटिनलाई एक बधाई पत्र पठाएका छन् ।

युरोपमा द्वीतिय विश्व युद्धको अन्त्य भएको ७५ औँ बार्षिक उत्सवको उपलक्ष्यमा किमले सो पत्र पठाएको उत्तर कोरियाली सरकारी सञ्चार माध्यम केसिएनएले बताएको छ ।

किमको पत्रमा दुई देश बिच रहदै आएको सम्बन्ध आगामि दिनमा अझ सुदृढ भएर जाओस् भन्ने कामना गरिएको पनि उत्तर कोरियाली सञ्चार माध्यमले जनाएका छन् ।

किमले हाल कोरोना संक्रमणबाट गुज्रिरहेको रसियालाई सो संक्रमणबाट शिघ्र मुक्त हुन कामना समेत गरेको बताइएको छ ।

रसियामा हाल सम्म कोरोना संक्रमणका कारण १७०० बढीको ज्यान गएको छ भने १८७००० बढी संक्रमित रहेका छन् ।

रसियन राष्ट्रपति भ्लादिमिर पुटिनले विश्व युद्ध सकिएको ७५ औँ वार्षिकोत्सवका अवसरमा उत्तर कोरियाली शासक किम जोङ उनलाई स्मरण मेडल पठाए पछि जवाफमा किमले पत्र मार्फत धन्यवाद व्यक्त गरेको समाचारमा जनाइएको छ ।

रसियाले युद्ध जितेको सो दिनलाई देशभक्तिको लडाई समेत भन्ने गरिन्छ ।

गत बर्ष अप्रिलमा किम र पुटिन विच भएको भेट वार्ता पश्चात दुई देशको सम्बन्धमा सुमधुरता आएको तथा उनीहरु विच आपसि साझेदारिको प्रसङ्ग पनि बढेर गएको समाचारमा बताईन्छ ।