कोरोना नदेखिएपछि विराटनगरमा उपचाररत ८ जना भोली डिस्चार्ज हुने

बिराटनगर- भाइरस नदेखिएपछि विराटनगरको कोरोना विशेष अस्पतालमा उपचार गराइरहेकामध्ये आठ जनालाई भोली डिस्चार्ज गरिने भएको छ ।

तीनपटकको परिक्षणमा नतिजा नेगेटीभ आएपछि उदयपुरको भुल्केका पाँचजना, मोरङ्गको रानीका दुईजना र भारतका एकजना नागरिकलाई भोली विहान डिस्चार्ज गर्ने तयारी गरिएको जिल्ला स्वास्थ्य कार्यलय मोरङ्गका प्रमुख ज्ञानबहादुर बस्नेतले जानकारी दिएका छन् ।

अस्पतालमा अहिले २५ जनाको उपचार भइरहेको छ ।

नेपालभर अहिलेसम्म कोरोना संक्रमित ९९ जना पुगेको छ । संक्रमितमध्ये सबै जनाको अवस्था सामान्य रहेको उपचारमा खटिएका डाक्टरले बताएका छन् ।

यसअघि निको भएर घर फर्किएका ३ जनामा पुनः कोरोनाको संक्रमण देखिएपछि अस्पताल भर्ना भएका छन् ।