निको भएर घर फर्किएका ३ जनामा फेरि देखियो कोरोना संक्रमण

काठमाडौं – उपचारपछि निको भएर घर फर्किसकेका तीन जनामा फेरि कोरोना भाइरसको संक्रमण पुष्टि भएको छ । काठमाडौँ, विरगन्ज र रौतहटका एक एक जनामा फेरि कोरोनाको संक्रमण भेटिएको स्वास्थ्य मन्त्रालयले पुष्टि गरेको हो । विरगन्जमा संक्रमित अस्पताल भर्ना भईसकेका मन्त्रालयका प्रवक्ता डाक्टर विकास देवकोटाले बताए ।

यस्तै काठमाडौंको सनसिटी अपार्टमेन्टमा यसअघि संक्रमण देखिएर उपचार पछि निको भएका पुरुषलाई फेरि संक्रमण भएको र उहाँको पाटन अस्पतालमा उपचार भइरहेको छ ।

गएको चैत ५ गते बेलायतबाट फर्केका ती पुरुष र उनकी आमामा संक्रमण देखिए पछि पाटन अस्पतालमा नै उपचार गराईएको थियो ।

त्यस्तै, विरगन्जमा मस्जिदमा बस्दै आएका एक जमाती र भारतबाट फर्केका रौतहटका एक युवकमा पनि संक्रमण देखिएको मन्त्रालयले जनाएको छ ।