तराईमा कोरोनाको त्रास बढेसँगै मानिसहरु रातारात काठमाडौं भित्रिए

काठमाडौं – केहि साता आघि मात्र काठमाडौँबाट बाहिर जान खोज्नेहरुको भिड कोटेश्वोर, कलंकी लगायत भिभिन्न स्थानहरुमा देखिन्थ्यो । कोरोना भाईरस (कोभिड १९) का संक्रमणको डरले कुनैपनि हालतमा काठमाडौँबाट बाहिर निस्किन खोज्थे ।

आफ्नो बालबच्चा बोकेर स्थानीय तहमार्फत पहल गरि काठमाडौँ आएका गाडीको पर्खाईमा बस्ने अनगन्ती थिए । तर आहिले परस्थिति फेरिएको छ । तराईक विभिन्न जिल्लामा कोरोना संक्रमितको संख्या बढेसंगै काठमाडौँ आउने क्रम बढेको छ ।

बिराटनगर, बीरगंज र बुटवलबाट मात्रै केहि दिनमा २४ भन्दा धेरै यात्रु बोकेको बस काठमाडौँ उपत्यका भित्रिएको छ । नागढुंगा नाकामा सवारी साधनका लागि निसंक्रमण टनेल निर्माण भएपनि काठमाडौँ भित्रिने संख्या बढे संगै कोरोना संक्रमणको जोखिम पनि बढ्दै छ ।