बेलायती प्रधानमन्त्रीको अस्पताल अनुभव – ‘मलाई लिटरका लिटर अक्सिजन दिइएको थियो’

एजेन्सी – बेलायती प्रधानमन्त्री बोरिस जोन्सनले आफू अस्पतालमा रहेको समयमा आफूलाई जीवित राख्नका लागि लिटरका लिटर अक्सिजन दिइएको बताएका छन् ।

उनलाई ३ दिन आईसियुमा राखेर उपचार भएको थियो ।

लण्डनको सेन्ट थोमस अस्पतालनामा हुँदा आफूले आफैलाई अस्पतालबाट म कसरी बाहिर निस्कन सक्छु होला ? भनेर सोध्ने गरेको उनले बताएका छन् ।

उनको अन्तर्वार्ता सार्वजनिक हुनु केही पूर्व प्रधानमन्त्री जोन्सनकी फियोन्सी क्यारी सिमोण्डसले हाल जन्मिएको आफूहरुको छोराको नाम विल्फ्रेड लवरी निकोलस जोन्सन राखिएको बताएकी थिइन् ।

दुई हजुरबुवा र प्रधानमन्त्री जोन्सनलाई उपचार गरेका दुई डाक्टरको सम्मानमा उनीहरुको सन्तानको नाम उनीहरुबाट राखिएको सिमोण्डसले खुलाइन् ।

गएको बुधबार सिमोण्ड्सले छोरा जन्मएकी हुन् । प्रधानमन्त्री जोन्सन आइसियूबाट बाहिर आएको हप्ता दिनपछि उनका छोरा जन्मिएका हुन् ।

द सनलाई दिएको अन्तर्वार्तामा प्रधानमन्त्रीले मोनिटरका सूचकहरु गलत दिशा तर्फ जाँदाको अस्पतालको क्षण अति विरुप रहेको उल्लेख गरेका छन् ।

जोन्सनलाई कोरोना भाइरसको संक्रमण पुष्टि भएपछि मार्च २६ मा उपचार गरिएको थियो । त्यसको १० दिनपछि उनी अस्पताल भर्ना भएका थिए । त्यसको अर्को दिन उनलाई आइसियूमा सारिएको थियो ।