नेकपा सचिवालय बैठक आज बस्दै

काठमाडौं – नेकपा सचिवालय बैठक आज शनिवार बस्दै छ । ३ दिनअघि १७ गतेको बैठकमा नेताहरुबीच खासै छलफल नभएपछि नेकपाको सचिवालय बैठक शनिवारका लागि डाकिएको हो ।

यसअघिको बैठकमा पार्टीका आन्तरिक समस्या, स्थायी कमिटी बैठकलगायतका विषयमा छलफल भएको थियो । प्रधानमन्त्री केपी शर्मा ओलीले कोरोनाको संक्रमण अन्त्य भएपछि नेता बामदेव गौतमलाई प्रधानमन्त्री र वरीष्ठ नेता माधवकुमार नेपाललाई पार्टी अध्यक्ष बनाउने प्रस्ताव गरेका छन् ।

उनको यो प्रस्तावलाई नेपाल गौतमले अस्वीकार गर्ने बुझिएको छ । प्रधानमन्त्री ओलीले दल फुटाउनेसहित २ वटा अध्यादेश ल्याएसँगै नेकपाभित्र ठूलै हलचल भैरहेको छ ।

सचिवालय बैठक बस्नुअघि शनिबार पनि नेताहरु आन्तरिक छलफलमा जुट्दै छन् । यसअघि पनि प्रधानमन्त्री ओली र अर्का अध्यक्ष प्रचण्ड, अध्यक्ष प्रचण्ड र वरीष्ठ नेता नेपाल, वरीष्ठ नेता नेपाल र प्रधामन्त्री ओलीले छुट्टाछुट्टै भेटवार्ता गरेका छन् ।