भारतमा एकैदिन १६ सय नयाँ संक्रमित थपिए, ८८१ को मृत्यु

नयाँ दिल्ली – भारतमा कोरोना भाईरसको संक्रमण तिब्र रुपमा फैलिरहेको छ । आज एकैदिन भारतमा १६ सय नयाँ संक्रमित थपिएका छन् । योसँगै संक्रमितको संख्या २८ हजार नजिक पुगेको छ ।
आइतबारमात्रै कोरोना भाइरसबाट संक्रमित ५६ जनाभन्दा बढीको मृत्यु भएको छ । योसँगै भारतमा मृत्यु हुनेको संख्या ८८१ पुगेको छ ।

संक्रमितमध्ये ५ हजार ६ हजार ५२३ जना निको भएर घर फर्किएका छन् । गम्भीर कति छन् त्यसबारे भने रिपोर्ट दिइएको छैन ।

भारतमा यसरी दिन प्रतिदिन नयाँ नयाँ संक्रमितहरू थपिँदै जानु चुनौतीपूर्ण भएको स्वास्थ्य अधिकारीहरूले जनाएका छन् । भारतको राजस्थान, तामिलनाडू, मध्यप्रदेश र केरला राज्यमा उच्च संख्यामा कोरोना संक्रमित रहेका जनाइएको छ ।

भारतमा संक्रमण बढदै गएपछि सरकारले कोरोना भाइरसको संक्रमण रोक्न लकडाउनलाई आगामी मे महिनाको ३ तारिखसम्म लम्ब्याएको छ ।