वैशाख २५ सम्म लकडाउन थप्ने सरकारको निर्णय

काठमाडौं – सरकारले वैशाख २५ गतेसम्म लकडाउनलाई लम्ब्याउने निर्णय गरेको छ । आईतबार बसेको मन्त्रिपरिषद बैठकले कोरोनाको संक्रमण थप भयावह हुन नदिन १० दिन फेरी लकडाउनको समय थप गर्ने निर्णय गरेको हो । यसअघि वैशाख १५ गतेसम्मका लागि लकडाउन तोकिएको थियो ।

तर उद्योग कलकारखाना सञ्चालनमा भने खुकुलो बनाइएको बैठकमा सहभागि एक मन्त्रीको भनाई छ । नागरिकहरुको लागि लकडाउन पहिले जस्तै कडा नै हुने भएपनि उद्योग खोल्न भने खुकुलो बनाउने निर्णय भएको ती मन्त्रीको भनाई छ ।

सरकारले अहिले तेस्रोपटक लकडाउनको समय थप गरेको हो । चैतको ११ गतेदेखि नेपालमा लकडाउन सुरु भएको हो ।