उत्तर कोरियाली नेता कीमको रेल वोनसानमा देखियो -अमेरिकी अधिकारी

सोल-उत्तर कोरियाली नेता किम जोङ उनका बारेमा विश्वभर अनेक समाचारहरु आईरहेका छन् । कुनै सञ्चार माध्यमहरुले किम गम्भिर स्वास्थ्य समस्याबाट ग्रसित भएको बताईरहेका छन् त कतिले उनको स्वास्थ्य स्थिति अज्ञात भएको पनि बताईरहेका छन् । हालै अमेरिकी राष्ट्रपतिले किम खतरामुक्त रहेको बताएका छन् ।

यसै विच हालै दक्षिण कोरियास्थित अमेरिकी सैन्य दस्ताका अधिकारीले किम बारे नयाँ तथ्य बाहिर ल्याएका छन् ।

अमेरिकी अधिकारीका अनुसार किम जोङ उनको सवारीमा प्रयोग हुँदै आइरहेको करिव २५० मिटर लामो रेल उत्तर कोरियाको बस्ति वोनसान स्थित एक रेलवेको प्लेटफर्ममा पार्क गरिएको पाईएको बताएका छन् । अधिकारीका अनुसार रेलको केही भाग पार्किङ स्पेसमा छोपिएको छ भने केही भाग स्पस्टै देख्न सकिन्छ ।

गत १५ अप्रिलमा उक्त रेल त्यहाँ थिएन तर अप्रिलकै २१-२३ मा उक्त रेल सो स्थानमा रहेको थियो । रेल पार्क गरिएकै आधारमा किमको स्वास्थ्य बारे केहि बोल्ने स्थिति नभएता पनि उनी सोहि क्षेत्रमा रहेको हुन सक्ने अनुमान भने गरिएको छ ।
उत्तर कोरियाका हरेक ठूला सभा समारोहमा निकै चाख लिएर सहभागी हुने गरेका उन विगत केही समयबाट त्यस्ता समारोहहरुमा अनुपस्थित रहन थाले पछि उनी बारे अनेक शंका उपशंकाहरु गरिदै आएका छन् ।

किम जोङ उन केहि समय अगाडी सम्पन्न आफ्ना हजुरबुबाको जन्मजयन्तीका दिन आयोजित विशेष समारोहमा समेत अनुपस्थित रहेका थिए भने तर उत्तर कोरियाली सैनिकले भने शनिवार आफ्नो ८८ औ जन्म जयन्ती पनि किमको अनुपस्थितिमा नै मनाएको थियो ।

किमको अनुपस्थितिलाई लिएर हाल विश्वभर अनेक तरहका टिका टिप्पणीहरु भईरहेका छन् कतिपयले उनी सिकिस्त बिरामी भएको बताएका छन् भने कतिपयले उनी मरिसकेको अड्कलवाजी समेत गरेका छन् ।

चीनले पनि किमको स्वास्थ्य स्थितिबारे अध्ययन गर्न तथा उनको उपचारमा सघाउन आफ्ना स्वास्थ्य विशेशज्ञ सहितको टोलि उत्तर कोरियाका लागि पठाइ सकेको छ ।