जापानमा कोरोना कहर- मजदुरहरुमाथि कार्यस्थलमै दुर्व्यवाहार

टोकियो- कोरोना संक्रमणका कारण यति बेला सिङ्गो विश्व आक्रान्त छ । मान्छेका दैनिकी रोकिएका छन् भने आर्थिक तथा सामाजिक हलचल बन्द प्राय भएका छन् । कतिपय देशहरुमा त धार्मिक तथा सांस्कृतिक गतिविधिहरु पनि रोकिएका छन् । समग्रमा हाल सिङ्गो विश्व शुन्य प्राय भएको छ ।

कोरोना कहर यतिमा मात्र सिमित छैन । यसले मानिसको दैनिक जिन्दगी मात्र नभई उनीहरुलाई मानसिक रूपमा समेत आक्रातन्त बनाउन थालेको छ । हाल जापानका मानिसहरु कार्यस्थलमा कोरोनाकै कारण दुर्व्यवाहारको सिकार हुन पुगेका छन् । उनीहरुलाई विभिन्न बाहानामा दुर्व्यवाहार गरिने गरिएको मजदुरहरु बताउछन् ।

जापानको एक उध्योगमा कार्यरत एक मजदुरका अनुसार उनलाई आफ्ना साथीहरु सँगै बसेर खाना खान पनि दिईएको छैन ।

यसको एउटै कारण छ- उनी जापानको ओशाका शहरबाट आएका हुन् जहाँ सर्वाधिक कोरोना संक्रमितहरु रहेका छन् । स्वास्थ्य मन्त्रालयका अनुसार ओशाकामा १२०० बढी संक्रमित रहेका छन् ।

यो त एउटा प्रतिनिधि घटना मात्र हो । यस्ता कैयौँ घटनाहरु हरेक दिन जापानी मजदुरहरुले भोगिरहेको सोही विषयका अनुसन्धानकर्ताहरुले बताएका छन् ।

यस्ता घटनाहरुले मानिसहरुको मानसिक तथा मनोबैज्ञानिक पक्षमा समेत नकारात्मक प्रभाव पार्ने बताउदै यस्ता विषयमा गम्भिर भएर सबै मिलि भातृत्व तथा भाईचारा बढाउनुपर्नेमा उनीहरुले जोड दिएका छन् ।