कास्कीका विजय गुरुङको कोरोना संक्रमणबाट मृत्यु

लण्डन – बेलायतको रेडिङ शहरमा बस्दै आएका कास्कीका ४९ वर्षीय विजय गुरुङको कोरोना भाइरस संक्रमणका कारण मृत्यु भएको छ ।

रेडिङको ‘रोयल बर्कशायर अस्पताल’मा उपचारकै क्रममा उनको मृत्यु भएको रेडिङ तमु समाजका अध्यक्ष नन्द गुरुङले बताए ।

ढाडकै समस्याका लागि नियमित औषधि सेवन गर्दै आएका गुरुङलाई श्वासप्रश्वासमा अफ्ठेरो भएपछि अप्रिल १३ तारिखमा अस्पताल भर्ना गरिएको थियो ।

गुरुङको निधन भएको दुई दिनपछि अस्पतालले परिवारलाई उपलब्ध गराएको ‘रिपोर्ट’मा उनलाई निमोनिया र कोरोना भाइरसको संक्रमण भएको उल्लेख गरिएको छ ।