मन्त्रालयबाट फर्कनेवित्तिकै शेरबहादुर पुनको विज्ञप्ती–अनर्गल प्रचार नगर्नु

काठमाडौं – शुक्रराज ट्रपिकल तथा सरुवा रोग अस्पतालका डाक्टर शेरबहादुर पुनले स्वास्थ्यमन्त्री र स्वास्थ्य मन्त्रालयको अनर्गल प्रचार नगरिदिन आग्रह गरेका छन् । मन्त्रालयमा पुगेर स्पष्टिकरण दिएर फर्किने वित्तिकै विज्ञप्ती निकालेर उनले संचारमाध्यमले आवश्यकभन्दा धेरै प्रचार गरेको बताए ।

उनले आईतबार पत्र पाउनेवित्तिकै आफू मन्त्रालयमा उपस्थित भएको बताए । अस्पतालमा बाधा नपर्नेगरी मन्त्रालयको अभियानलाई सहयोग गर्न भनेर आफूलाई बोलाईएको उनले विज्ञप्तीमार्फत जानकारी गराए । उनले विज्ञप्तीमार्फत विश्वव्यापी रुपमा फैलिरहेको कोरोना भाईरसको संक्रमणविरुद्ध सबै एकतावद्ध भएर अघि बढ्न पनि सबैसँग आग्रह गरेका छन् ।