पञ्जाब प्रहरीका एसिपीको कोरोनाका कारण मृत्यू

एजेन्सी – भारतको पञ्जाब प्रहरीका एसिपीको कोरोना भाइरसका कारण निधन भएको छ । लुधियानाका एसिपी अनिल कोहलीको अपोलो अस्पतालमा उपचारको क्रममा ज्यान गएको अस्पतालले जनाएको छ ।

उनलाई लुधियानानको एसपिएस अस्पतालमा प्लाज्मा थेरापी गर्नु पर्ने थियो । तर त्यो भन्दा अघि नै कोरोना भाइरसका कारण उनको निधन भएको हो । पञ्जाबका मुख्यमन्त्री अमरिन्दर सिंहले एसिपी कोहलीको निधनप्रति दुःख व्यक्त गरेका छन् ।

केही दिनअघि एसिपी कोहलीलाई कोरोना भाइरसको संक्रमण रहेको पुष्टि भएको थियो । ५२ वर्षका एसिपी कोहलीले हालै कुनै पनि देशको यात्रा गरेका थिएनन् ।