कोरोनाको कहरः अमेरिका र क्यानडाबीचको सिमाना थप एक महिनाका लागि बन्द

एजेन्सी – अमेरिका र क्यानडाबीचको सिमाना थप १ महिना बन्द हुने भएको छ । क्यानडाका प्रधानमन्त्री जस्टिन ट्रुडोले अमेरिकासँग जोडिएको सिमाना थप ३० दिनका लागि बन्द रहने बताएका छन् । यो अवधिमा कुनै पनि अनावश्यक यात्रा पनि बन्द रहने छ ।

कोरोनाको संक्रमण फैलिरहँदा दुवै देशले यसअघि नै अनावश्यक यात्रामा आउदो मंगलबारसम्मका लागि प्रतिबन्ध लगाइएको थियो ।

सिमानाका दुवैतर्फका नागरिकको सुरक्षाको लागि यो कदम उठाउनु अत्यन्तै महत्वपूर्ण रहेको क्यानडाका प्रधानमन्त्री ट्रुडोले बताएका छन् ।

पछिल्लो समय अमेरिका कोरोना भाइरस महामारीको इपिसेन्टर बनेको छ । भाइरसबाट सङ्क्रमित हुने र ज्यान गुमाउनेको सङ्ख्या अमेरिकामा सबैभन्दा धेरै छ ।