कोरोना अपडेटः १ लाख ५४ हजारको मृत्यु, २२ लाख ५० हजारमा संक्रमण

एजेन्सी – कोरोना भाईरसको संक्रमणबाट विश्वभर १ लाख ५४ हजार जनाको मृत्यु भएको छ । अहिलेसम्म २२ लाख ५० हजारमा संक्रमण पुष्टि भएको छ ।

५ लाख ७१ हजार व्यक्ति निको भएर घर फर्किएका छन् । संक्रमितमध्ये १४ लाख ६७ हजारको अवस्था सामान्य छ । ५७ हजारको अवस्था गम्भिर छ । कोरोनाको संक्रमणका कारण सबैभन्दा धेरै प्रभाव अमेरिकामा परेको छ । अमेरिकामा पछिल्लो २४ घण्टामा मात्रै २५ सय भन्दा धेरैको मृत्यु भएको छ ।

योसँगै अमेरिकामा मृत्यु हुनेको संख्या ३७ हजार १ सय भन्दा धेरै पुगेको छ । अमेरिकामा संक्रमितको संख्या ७ लाख ९ हजार नाघेको छ ।