लकडाउनमा किनिएका एयरलाइन्स टिकट फिर्ता हुने

नयाँ दिल्ली- भारत सरकारले लकडाउनको समयमा टिकट किन्ने ग्राहकका लागि खुसिको खबर ल्याएको छ । सरकारले विहिवार एक सुचना जारी गर्दै सो समयमा काटिएका टिकटको पैसा निशर्त फिर्ता गर्न विमान सञ्चालक कम्पनिहरुलाई निर्देशन समेत दिएको छ ।

सरकारको सो निर्णय २४ मार्च अगाडि टिकट बुक गरिसकेकाहरुको हकमा भने लागु हुने छैन । सरकारी अधिकारीहरुका अनुसार सो समय पछि टिकट खरिद गर्नेहरुलाई भने टिकटको पैसा निशुल्क तथा निशर्त फिर्ता गर्न भनिएको छ ।

यता विमान सञ्चालक कम्पनीहरुले भने आफूहरु पूर्ण रुपमा टाट पल्टिइ सकेको कारण यात्रुहरुलाई तत्कालै पैसा फिर्ता दिन नसकिने बताएका छन् ।

विमान सञ्चालकहरुले यात्रुहरुलाई आफूले किनेको टिकट सुरक्षित राखि एक बर्ष भित्रमा जुन समयमा आएर पनि सो सुविधा लिन अनुरोध गरेका छन् ।

विदेशका विमान सञ्चालक कम्पनीहरुले पनि सोहि व्यवस्था गराएको बताउदै उनीहरुले यो संकटको घडीमा आफूहरुलाई साथ दिन अनुरोध समेत गरेका छन् ।

भारतीय नागरिक उड्ययन मन्त्री एसएस पुरीका अनुसार विमान कम्पनिहरुले पहिलो लकडाउनको समयमा (मार्च २५ बाट अप्रिल १४) काटिएका टिकट विना शर्त फिर्ता गर्न निर्देशन दिएका छन् भने त्यस पछिको विषयमा पनि छिट्टै निर्णय गरिने समेत बताएका छन् ।