यो वर्ष विश्वभर अर्थव्यवस्था तीन प्रतिशतसम्मले खस्कने प्रक्षेपण

एजेन्सी – यस वर्ष विश्वभरका देशको अर्थव्यवस्था तीन प्रतिशतसम्मले खस्किने अन्तर्राष्ट्रिय मुद्रा कोष (आईएमएफ) ले प्रक्षेपण गरेको छ ।

यस वर्ष सन् १९३० को महामन्दीपछि विश्वभरको अर्थव्यवस्थामा दशककै सबैभन्दा खराब गिरावट हुने आईएमएफको अनुमान छ ।

कोरोना भाइरस (कोभिड १९) को महामारीले विश्वलाई ऐतिहासिक सकङ्टतर्फ धकेल्ने आईएमएफले जनाएको छ ।

महामारी लामो समयसम्म रहिरह्यो भने सकङ्टबाट बाहिर निस्कन विश्वभरका सरकारी र केन्द्रीय बैंकहरुको क्षमताको सही परीक्षा हुनेतर्फ पनि ध्यानाकर्षण गराएको छ ।

कोरोना सङ्कटले आउँदो दुई वर्षमा विश्वको कुल गार्हस्थ उत्पादन (जीडीपी) मा ९ ट्रिलियन डलर घाटा हुने आईएमएफकी प्रमुख अर्थशास्त्री गीता गोपीनाथले बताएकी छिन् ।

यद्यपि आईएमएफले विश्वको अर्थव्यवस्थामा आधारित भएको प्रकाशित गरको वर्ल्ड इकोनोमिक आउटलुकमा बेलायत, जर्मनी, जापना र अमेरिका जस्ता देशले उठाएको ठोस उपायको प्रशंसा गरेको छ ।