मन्त्रिपरिषद बैठक केहीबेरमा बस्दै, लकडाउन लम्ब्याउने तयारी

काठमाडौँ – कोरोना भाइरसको संक्रमण फैलिन नदिन सरकारले लकडाउन थप्ने तयारी गरेको ५ । त्यसका लागि बिहान ११ बजे मन्त्रिपरिषद बैठक डाकिएको छ ।

अब कम्तिमा एक हप्ता लकडाउन थप्ने तयारी रहेको र त्यस सम्बन्धी निर्णय मंगलबार बस्ने मन्त्रीपरिषद बैठकले गर्ने एक मन्त्रीले जानकारी दिएका छन् ।

कोरोना भाइरसको संक्रमण फैलिन नदिनका लागि चैत ११ गतेदेखि देशभर लकडाउन छ ।

तेस्रोपटक थप गरिएको लकडाउन अवधि बुधबार बिहान सकिँदैछ । नेपालमा अहिलेसम्म १४ जनामा संक्रमण पुष्टि भएको छ । एकजना निको भएर घर फर्किसकेका छन् ।