भारतमा कोरोना भाइरसः एकैदिन ४३ जनाको मृत्यु, संक्रमित ९ हजार नाघ्यो

काठमाडौँ – भारतमा कोरोना भाइरसको संक्रमण ह्वात्तै बढेको छ । भारत सरकारले बारम्बार उच्च सतर्कता अपनाउन आग्रह गरे पनि आम मानिसले लकडाउन तोड्दा यो समस्या झन् विकराल बनेको त्यहाँका अधिकारहिरुले बताएका छन् ।

आइतबारमात्रै कोरोना भाइरसका कारण भारतमा ४३ जनाको मृत्यु भएको छ । योसँगै भारतमा कोरोनाका कारण ज्यान गुमाउनेको संख्या ३३१ पुगेको छ । संक्रमितको संख्या पनि ह्वात्तै बढेको छ ।

आइतबारमात्रै ७५९ जना नयाँ संक्रमित फेला परेका छन् । योसँगै भारतमा ९ हजार २०५ जना नयाँ संक्रमित फेला परेका छन् । मार्च ३१ पछि भारतमा कोरोना भाइरस तीब्र रुपमा फैलिएको बताइएको छ ।

सरकारले लकडाउन गरे पनि देशका विभिन्न भागमा यसको पालना राम्रोसँग हुन सकेको छैन । भारतमा फैलिरहेको कोरोना भाईरसका कारण नेपालमा पनि असर पर्ने देखिन्छ ।