दोस्रो विश्वयुद्धका ९९ वर्षीय सिपाहीले कोरोनालाई जितेर निको भए

काठमाडौं– दोस्रो विश्व युद्धका एकजना ९९ वर्षीय सिपाहीले कोरोना भाईरसलाई जितेका छन् । उनी उपचारबाट निको भएपछि स्वास्थ्य परिचारिकाहरुले सम्मान गरेका छन् ।

९९ वर्षका अल्बर्ट च्याम्बर्स उत्तरी बेलायतमा रहेको टिकहिल अस्पतालमा कोरनोको उपचारपछि निको भएर घर फर्किएका हुन्।

लडेर नाडीमा चोट लागेपछि तीन साताअघि अस्पताल भर्ना भएका उनलाई कोभिड–१९ को लक्षण देखिएको थियो ।
उनी निको हुँदैनन् कि भन्ने सबैलाई डर लागेको थियो ।

विश्व युद्धमा उत्तर अफ्रिकामा बमबाट घाइते भएपछि च्याम्बर्स शत्रुको कैदमा परेका थिए। उत्तर जर्मनीस्थित फलिङ्ग बोस्टेलमा सरुवा भएका उनले त्यहाँ युद्ध बन्दीका रुपमा ३ वर्ष बिताएका थिए।