भारतमा कोरोना : एकैदिन ३९ जनाको मृत्यु, साढे ८ हजारमा संक्रमण

काठमाडौं । भारतमा कोरोना भाइरसको संक्रमणका कारण ३९ जनाको एकैदिन मृत्यु भएको छ । योसँगै मृत्यु हुनेको संख्या २८८ पुगेको छ ।

पछिल्लो २४ घण्टाामा मात्रै ८ सय २४ जना नयाँ संक्रमित थपिएसँगै साढे ८ हजारमा संक्रमण पुष्टि भएको छ ।

भारतमा १० लाखभन्द बढी नेपाली रहेका छन्। अप्रिल १ यता भारतमा औसत दैनिक ५ सयभन्दा बढी कोरोना भाइरस संक्रमित थपिदै गएको छ ।

अप्रिल १ मा भारतमा ६ सय १ जना नयाँ बिरामी देखिएका थिए। भोलिपल्ट अप्रिल २ का दिन ५ सय ४५ जनामा यो भाइरस देखिएको थियो। अप्रिल ३ मा ५ सय १६ जना कोरोना भाइरसका नयाँ बिरामी भारतका अस्पताल पुगेका थिए।