एकाविहानै लकडाउन उल्लङ्घन गर्ने ८६० जनालाई होल्ड

काठमाण्डौ – काठमाण्डौ उपत्यकामा आइतबार विहान मात्रै लकडाउन उल्लङ्घन गर्ने ८ सय ६० जना कारबाहीमा परेका छन् ।

बिहान ७ बजेसम्ममा काठमाण्डौबाट ७ सय ३७ जना, ललितपुरबाट १ सय २० जना र भक्तपुरबाट ३ जनालाई होल्ड गरिएको प्रहरीले जनाएको छ ।

सोधपुछका क्रममा प्रहरीले अत्यावश्यक कामका लागि निस्किएको पाइए छाड्ने गरिएको जनाएको छ । प्रहरीका अनुसार ३५ वटा मोटरसाइकललाई पनि कारबाही गरिएको छ ।

महानगरीय ट्राफिक प्रहरीले नियन्त्रणमा लिएका गाडीहरुलाई बेलुकीमात्रै छाड्ने गरिएको छ ।