अमेरिकामा मृतकको संख्या २० हजार नाघ्यो, ५ लाख ३२ हजारमा संक्रमण

एजेन्सी – कोरोना भाईरसको संक्रमणका कारण अमेरिकामा मृतकको संख्या २० हजार नाघेको छ । एकैदिन १८ सय ३० भन्दा धेरै व्यक्तिको ज्यान गएसँगै मृतकको संख्या अमेरिकामा २० हजार ५ सय ७७ पुगेको हो ।

शनिवार एकैदिन अमेरिकामा ३० हजार भन्दा धेरै संक्रमित थपिएका छन् । यो संगै संक्रमितको संख्या ५ लाख ३२ हजार पुगेको छ । अमेरिकाको पनि न्युयोर्क सिटी सहरमा अवस्था सबैभन्दा धेरै भयावह भएको छ ।

यो एउटा शहरमा मात्रै साढे ८ हजार जना मृत्यू भएका छन् । न्यूयोर्कमा १ लाख ८१ हजार मा संक्रमण पुष्टि भएको छ ।