बेलुकी ६ बजेसम्म चट्यांग, मेघगर्जन र हावाहुरीसहित वर्षाको सम्भावना

काठमाडौं- काठमाडौंसहित मध्य पहाडी, पूवी पहाडी र पश्चिमका केही पहाडी क्षेत्रसहित तराई क्षेत्रमा अहिले मेघ गर्जन र हावाहुरीसहित पानी पर्न सुरु भएको छ ।

आज बेलुकी ६ बजेसम्म चट्यांग, मेघगर्जन र हावाहुरीसहितको वर्षाको सम्भावना रहेकोले सतर्कता अपनाउन मौसम पूर्वानुमान महनशाखाले आग्रह गरेको छ ।

तराईका धेरै ठाउँमा अहिले बादल विकसित भैरहेकोले त्यस ठाउँहरुमा पनि सतर्कता अपनाउन महाशाखाका मौसमविद गंगा नगरकोटीले आग्रह   गरे ।

अहिले दाङ, कपिलबस्तु र रुपन्देही लगायत ठाउँहरुमा मेघ गर्जनसहित हावाहुरी चलिरहेको छ भने केहीबेरमै पानी पर्ने सम्भावना रहेको छ ।

काठमाडौं उपत्यकाका केही ठाउँमा भने पानी पर्न सुरु भएको छ ।