बेलायती प्रधानमन्त्री जोनसनलाई साधारण वार्डमा सारियो, अमेरिकी राष्ट्रपति ट्रम्प भए खुसी

एजेन्सी – कोरोना संक्रमणका कारण आईसीयुमा लगिएका बेलायती प्रधानमन्त्री बोरिस जोनसनको स्वास्थ्यमा सुधार हुँदै गएको छ । उनलाई अहिले साधारण वार्डमा सारिएको छ ।

लण्डनको सेन्ट थोमस अस्पतालमा भर्ना गरिएका प्रधानमन्त्री जोनसनको स्वास्थ्य अवस्था विग्रिएको भन्दै गत हप्ता आईसीयुमा सारिएको थियो ।

प्रधानमन्त्री जोनसनलाई आईसियुबाट वार्डमा सारिएपछि अमेरिकी राष्ट्रपति डोनाल्ड ट्रम्पले खुसी ब्यक्त गर्दै शिघ्र स्वास्थ्यलाभको कामना गरेका छन ।

वार्डमा सारिए पछि पनि उनलाई चिकित्सकहरुको प्रत्यक्ष निगरानीमा राखिएको छ । उनलाई बिहीबार साधारण वार्डमा सारिएको हो । डाउनिङ स्ट्रिटका अनुसार आईसीयुमा रहंदा प्रधानमन्त्री बोरिस जोनसनलाई उच्चस्तरीय मेडिकल टिमले उपचार गरेको थियो ।

नमा एक महिना अघि नै कोरोना संक्रमण देखिए पछि उनि आफै होम क्वारेन्टाईनमा बसेका थिए । ५५ बर्षीय प्रधानमन्त्री जोनसनलाई कोरोना संक्रमण देखिएपछि गत आईतबार अस्पताल भर्ना गरिएको थियो ।