पुर्वमन्त्री राईले दिए क्वारेन्टाइनमा बसेकालाई खाद्यान्न र २५ हजार सहयोग

नेपालगन्ज- पुर्वमन्त्री तथा बाँके क्षेत्र नम्बर २ का सांसद मोहम्मद ईश्तियाक राईले नेपालगन्जस्थित विभिन्न क्वारेनटाईनमा बसेकाहरुको लागि ५ दिन पुग्ने खाद्यान्नका साथै नगद २५ हजार रुपैयाँ सहयोग गरेका छन् ।

नेपालगन्जस्थित क्वारेन्टाइनमा रहेकाहरुको खानाको व्यवस्थापन गर्दै आएको श्री गुरूनानक सिंह सभालाई विहिबार पुर्वमन्त्री राईले ५ दिन पुग्ने खाद्यान्न तथा अन्य तरकारी लगायतका लागि २५ हजार रुपैयाँ नगद समेत प्रदान गरेका हुन् |

पुर्वमन्त्री राईले प्रदान गरेको सहयोग खाद्यान्न र नगद श्री गुरूनानक सिंह सभाका अध्यक्ष राजेन्द्रसिह सरदारले बुझ्दै राईलाई हृदयदेखि धन्वाद दिंदै आभार समेत प्रकट गरे ।

सो अवसरमा बोल्दै पूर्वमन्त्री राईले क्वारेन्टाइनमा बसेकाहरुका लागि खाद्यान्नको समस्या हुन नदिने जनाउँदे आवश्यकता अनुसार राहात दिने कार्य जारी राखिने बताए ।

उनले श्री गुरूनानक सिंह सभा लगायत अन्य संघसंस्थाले हालसम्म गरेको योगदानको उच्च कदर गर्दै कुनै पनि हालतमा गुरुद्धाराको लंगर बन्द हुन नदिने प्रतिबद्धता जनाए |

राईद्धारा प्रदान गरिएको खाद्यान्नमा २७५ किलो जिरा मसिनो चामल ५० किलो दाल र ३० किलो चना रहेको छ । २५ हजार रुपैयाँ नगद तरकारी तथा मसलाका लागि दिइएको जनाईएको छ ।

पुर्वमन्त्री राईले एक सातादेखिनै नेपालगन्ज लगायत वरिपरिका सयौं जना विपन्न र ज्याला मजदुरी गरेर खानेहरुलाई राहात वितरण गरिरहेका छन । राहात वितरण निरन्तर जारी रहने पनि जनाइएको छ |

त्यस्तै उनले यसअघिनै मास्क वितरणका साथै अस्पतालहरुलाई विभिन्न प्रकारका अतिआवश्यक स्वास्थ्य सामाग्री पनि वितरण गरिसकेका छन् ।

पूर्वमन्त्री राइकै पहलमा नेपालगन्जलाई सेनिटाइज गर्ने कार्य पनि गरिएको छ |