अमेरिकामा एकैदिन १२५५ जनाको मृत्यु

एजेन्सी । कोरोनाभाइरसको संक्रमणका कारण अमेरिकामा पछिल्लो २४ घण्टामा १२ सय ५५ जनाको मृत्यु भएको छ । योसँगै मृत्यु हुनेको संख्या १० हजार ८ सय ७१ जना पुगेको छ ।

वर्ल्डोमिटरको पछिल्लो तथ्यांक अनुसार एकैदिन ३० हजार ३ सय ३१ जना नयाँ संक्रमित थपिएसँगै संक्रमितको संख्या ३ लाख ६७ हजार ४ पुगेको छ ।
संक्रमितमध्ये ८ हजार ८ सय ७९ को अवस्था गम्भिर छ । संक्रमितमध्ये १९ हजार ६ सय ७१ जना मात्रै निको भएर घर फर्किएका छन् ।

पछिल्लो केही समयदेखि अमेरिकामा मृतक र संक्रमितको संख्यामा ह्वात्तै वृद्धि भैरहेको छ । अबको दुई हप्ता अमेरिकीहरुका लागि सबैभन्दा पीडादायी समय हुने विशेषज्ञहरुले बताएका छन् ।