कोरियामा यौन दुर्ब्यबहार अभियोगमा सैनिक पक्राउ

सोल-कोरियाली प्रहरीले हालै मात्र महिलामाथि यौन दुराचारको अभियोगमा एक सैनिक जवानमाथि पक्राउ पूर्जी जारी गरेको छ ।

प्रहरी अधिकारीका अनुसार ती सैनिक युवा विभिन्न यौनजन्य गतिविधिहरुमा सहभागी भएको सुचनाका आधारमा उनी माथि पक्राउ पूर्जी जारी गरिएको हो ।

परिचय नखुलाईएका ती सैनिक जवानलाई पक्राउ गर्नका लागि पहिले उनलाई निलम्वन गर्नुपर्ने भएका कारण उनलाई सैनिक सेवाबाट निलम्व गर्न सैनिक अधिकारीहरुसँग कुरा भइसकेको पनि प्रहरीले जनाएको छ ।

ती सैनिक जवानले एक महिलाको यौन क्रियाकलापको भिडियो सामाजिक सञ्जालमा सार्वजनिक गरेको आरोप लगाइएको छ । ती सैनिक जवानको सम्बन्ध केही समय अगाडी सोही अभियोगमा गिरफ्तार परेका छो जु विनसँग रहेको पनि प्रहरीले दावी गरेको छ ।

हाल उनी माथि कोरियाली प्रहरी तथा सैनिक प्रहरीहरुले अनुसन्धान गरिरहेका छन् । गत महिना मात्र एक भिडियो च्याटरुममा महिलाहरुका विभिन्न अश्लिल भिडियोहरु सेयर गरेको आरोपमा छो जु विनलाई गिरफ्तार गरेको थियो ।

पक्राउ पूर्जी जारी गरिएका व्यक्ति पनि सोही च्याटरुमको सदस्य भएको हुन सक्ने प्रहरीले अनुमान गरेको छ । प्रहरीका अनुसार हाल उक्त च्याटरुममा १५ हजार जना पैसा तिरेका सक्रिय सदस्यहरु रहेका छन् ।