कोरोना भाईरसको इपिसेन्टर अमेरिका, अबका दिनमा झन धेरै मृत्यू हुनसक्ने

एजेन्सी – कोरोना भाईरस कोभिड १९ को इपिसेन्टर अमेरिका बनेको छ । अमेरिकी राष्ट्रपति डोनाल्ड ट्रम्पले कोरोना भाइरसविरुद्धको लडाईँमा अबको दुई हप्ता अति कठिन हुने बताएका छन्।

कोरोना भाइरस टास्क फोर्सको नियमित ब्रिफिङ्गको क्रममा राष्ट्रपति ट्रम्पले शनिबार ह्वाइटहाउसमा पत्रकार समक्ष यस्तो बताएका हुन् ।

उनले ब्रिफिङ्गको क्रममा अबको दुई हप्ता कोरोना भाइरसका कारण उत्पन्न संकटको विकराल रुप आउन सक्ने र त्यसबाट धेरैको मृत्यु हुन सक्ने चेतावनी दिएका हुन् ।

अमेरिकामा कोरोना भाइरसका कारण अहिलेसम्म ८ हजार ४ सय भन्दा बढीको मृत्यु भएको छ । शनिबार एकै दिन १२ सय २४ भन्दा बढीको ज्यान गयो । यस्तै अमेरिकामा संक्रमितको संख्या तीन लाख १० हजार भन्दा बढी पुगेको छ ।