अमेरिकामा अवस्था भयावहः संक्रमित ३ लाख नाघ्यो, साढे ८ हजारको मृत्यू

एजेन्सी । अमेरिकामा कोरोनाको संक्रमण भयावह रुपमा फैलिरहेको छ । आईतबार विहानसम्मको तथ्यांकसम्ममा अमेरिकामा संक्रमितको संख्या ३ लाख ११ हजार ३ सय ५७ पुगेको छ ।

एकैदिन ३४ हजार भन्दा धेरै विरामी थपिएका छन् । अमेरिकामा एकैदिन १ हजार भन्दा धेरै मृतकको संख्या पनि थपिएको छ । योसँगै मृत्यू हुनेको संख्या साढे ८ हजार पुगेको छ ।

अहिलेसम्म १४ हजार ८ सय २५ जना मात्रै निको भएर घर फर्किएका छन् । २ लाख ८८ हजार भन्दा धेरै अस्पतालमै उपचाररत छन् । ८ हजार भन्दा धेरैको अवस्था गम्भिर छ ।