फ्रान्सले लैजान ठिक्क पारेको मास्क अमेरिकाद्धारा गायब !

एजेन्सी – अनेकन मोर्चामा साथै लडेको आफ्नै मित्र भनिएको अमेरिकाले आफुले चीनसँग किन्न ठिक्क पारेको मास्क अपहरण शैलीमा उडाइदिएको फ्रान्सले जनाएको छ ।

अमेरिकाले फ्रान्सले लैजान ठिक्क पारेको मास्क तीन देखि चार गुणा बढी पैसा तिरेर बीचबाटै हाइज्याक गरेको फ्रान्स इस्टर्न रिजनका जिन रोट्नरलाई उधृत गर्दै फ्रान्स इन्फोले जनाएको छ ।

यो क्षेत्र कोरोना भाइरसबाट फ्रान्सक‌ै सबैभन्दा प्रभावित मानिएको छ । चिनियाँ पनि के कम, व्यापारी न परे । फ्रान्स उडाउन विमानमा ठिक्क पारिसकेको मास्क अलि धेरै पैसा पाउने भएपछि अमेरिकालाई बेचिदियो ।

उता आफु कहाँ आउन लागेको मास्क अमेरिकाले बीचबाटै उडाइदिएपछि फ्रान्स भने अन्यौलमा परेको खबरमा उल्लेख छ । रोट्नरले यो अस्वस्थ प्रतिष्पर्धा हो भन्दै अरू मास्क खोजिरहेको जनाएका छन् ।