भारतीय प्रधानमन्त्री मोदीले बिहीबार कोरोना संकटबारे छलफल गर्दै

भारत – भारतका प्रधानमन्त्री नरेन्द्र मोदीले देशका सबै मुख्यमन्त्रीहरुसँग भिडियोमा कुरा गर्ने भएका छन् । कोरोना भाइरसका कारण निम्तिएको स्वास्थ्य सङ्कट र यसको प्रभावबारे जानकारी लिन उनले भिडियो सम्मेलन गर्ने भएका हुन् ।

उनले बिहिवार कोरोना भाइरसको विषयमा केन्द्रित रहेर भिडियो बैठक गर्न लागेका भारतका सरकारी अधिकारीहरुले बताएका छन् ।

बैठकमा सबै मुख्यमन्त्रीहरूलाई आफ्नो प्रदेशमा कोरोना भाइरसको सङ्क्रमणको अवस्था, त्यस विरुद्ध लड्न अपनाइएका उपाय र भावी योजना प्रस्तुत गर्न लगाइने छ ।

प्रधानमन्त्री मोदीले यसअघि गत मार्च २० तारिखमा पनि मुख्यमन्त्रीहरुसँग भिडियो बैठक गरेका थिए ।

बैठकमा प्रधानमन्त्र मोदीले कोरोना भाइरस विरुद्धको लडाईंमा केन्द्रीय सरकारको निर्णय कार्यान्वयन गर्न र केन्द्रसँग सहकार्य गर्न आव्हान गरेका थिए ।