जापान सरकारले लगायो ५० देशमा यात्रा प्रतिवन्ध

टोकियो- कोरोना संक्रमणले व्यापकता लिदैँ गए पश्चात जापानी सरकारले एक सूचना प्रकाशित गर्दै आफ्ना नागरिकहरुलाई अमेरिका, चीन, दक्षिण कोरिया लगायतका ५० भन्दा बढी मुलुक भ्रमणमा प्रतिवन्ध लगाएको छ । जापान सरकारले ती देशहरुलाई लेभल ३ मा सुचिकृत गर्दै यात्रा नगर्न निर्देशन दिएको हो ।

सिञ्जो आवे सकारले आफ्ना नागरिकहरुलाई ती देशहरुबाट अनिवार्य फिर्ता हुन नभने तापनि यो निर्देशन सोही निर्देशन तर्फको यात्रा भएको सरकारी अधिकारीहरुले बताएका छन् ।

अव यस भन्दा अगाडी सरकारले आफ्ना नागरिकहरुलाई अनिवार्य स्वदेश फिर्ता बोलाउने छ तर हाल सम्म सो परिस्थिति आइनसकेको पनि सरकारी अधिकारीले बताएका छन् ।

हालसम्म करिव ८ लाख नागरिकहरु विश्वव्यापी रुपमा संक्रमित भइसकेको वर्तमान अवस्थामा आफ्ना नागरिकहरुको स्वास्थ्य सरकारको प्रमुख दायित्व भएका कारण सरकारले सो निर्णय लिएको अधिकारीले बताएका छन् । हालसम्म सरकारले लक डाउन लगायतका कठोर निर्णय लिइनहाले पनि संक्रमण दर बढ्दै गएमा सो तर्फ पनि सरकार अघि बढ्ने उनले बताएका छन् ।

प्राय जापानमा भेटिएका संक्रमित विदेशी तथा विदेश यात्रासंग सम्बन्धित भएका कारण यदि बैदेशीक गतिविधिलाई नियन्त्रण गर्न सके जापानले कोरोना विरुद्धको लडाँइमा त्यति ठूलो नोक्सानी ब्येहोर्न नपर्ने सरकारी अधिकारीले बताएका छन् ।