कोरोनाको महामारीले स्थगित भएको टोकियो ओलम्पिकको नयाँ मिति तय

एजेन्सी – कोरोना भाईरसको संक्रमण फैलने डरले एक वर्ष स्थगित भएको टोकियो ओलम्पिक खेलकुदको नयाँ मिति तोकिएको छ ।

विश्व खेलकुदको कुम्भमेला टोकियो ओलम्पिक सन् २०२१ को जुलाई २३ देखि अगस्ट ८ सम्म हुने मिति तय भएको जापानको न्युज एजेन्सी क्योदो न्युजले जनाएको छ ।

जापानले तय गरेको नयाँ मितिमा अन्तर्राष्ट्रिय ओलम्पिक कमिटीले पनि सहमति जनाएको छ ।

यस अघि टोकियो ओलम्पिक जुलाई २४ देखि अगस्ट ९ सम्म हुने तय थियो ।

आगामी वर्ष आयोजना हुने भएपनि प्रतियोगिताको नाम ‘टोकियो ओलम्पिक गेम्स २०२०’ नै रहने भएको छ ।