मानसिक तनाव कम गर्न ९ खानेकुरा खानुस

मानिस कुनै पनि काम वा चिन्ताका कारण ठूलो या सानो कुनै न कुनै प्रकारको तनावमा रहिरहेको हुन्छ । मानिसको सोहि तनाव अथवा चिन्ता कहिलेकाही विकराल स्वास्थ्य समस्याको रुपमा आउदछ ।

मुटुका विभिन्न रोगहरु, रक्तचापसँग सम्बन्धित सम्पूर्ण रोगहरु तनाव कै कारण सृजित हुन् । यदि हामीले दैनिकी यापन गर्दा आउने तनावको उचीत व्यवस्थापन गर्न नसकेमा ठूला स्वास्थ्य समस्याहरुबाट गुज्रिनु पर्ने समेत हुन सक्छ । अतः हामिले तनाव व्यवस्थापन गर्नु एकदमै जरुरी छ । यसरी तनाव व्यवस्थापन गर्न हामीले अपनाउने खाद्य शैलीले समेत सहयोग गर्दछ ।

आउनुहोस् तनाव कम गर्न सघाउने केही उपयोगी खाने कुरा बारे जानकारी लिऔँ ।

१-सुन्तला

पोटारियम, प्रोटीन तथा भिटामिन सीबाट भरिपूर्ण सुन्तलाले हाम्रो शरिरलाई चिसो राख्न मद्दत गर्ने मात्र होइन यसले हाम्रो रक्तचाप नियन्त्रण गर्न समेत निकै ठूलो योगदान पुर्याउदछ । अतः सुन्तलालाई सलाद, जुस तथा खाजाकै रुपमा प्रयोग गर्दा शरीरको तनाव व्यवस्थापनमा उल्लेख्य सहयोग गर्दछ ।

२- दूध

दूधमा ट्राइप्टोफान नामक तत्व हुन्छ, जुन खाएपछि दिमागलाई फ्रेस र कुल बनाउने सेरोटोनिन नामक तत्वमा परिवर्तन हुन्छ । साथै, दूधमा पाइने क्याल्सियम, म्याग्नेसियम र पोटासियमले तनावको घडीमा रक्तचाप बढ्नबाट पनि जोगाउँछ ।

३-चिसोपानी

तनाव उत्पन्न भएको बेला चिसो पानी पिउनु पनि लाभदायक हुन्छ । चिसो पानी पिएर खुला ठाउँमा डुल्न गयो भने रगतमा इन्डोर्फिन नामक तत्व उत्सर्जन हुन्छ, जसले दिमागलाई तनावमुक्त गराउँछ ।

४-केरा

केरामा पोटासियम र कार्बोहाइड्रेट प्रचुर मात्रामा पाइन्छन् । केरा खानाले शरीरमा सेरोटोनिन नाम गरेको न्युरोट्रान्समिटर बढी उत्सर्जन हुन्छ, जसले तनाव कम गरी मानिसलाई शान्त राख्न मद्दत गर्छ । तनाव छ भने दिनमा दुइटा केरा खाने गर्नुस् ।

५- अमला

तनावका असर कम गर्न उपयोगी अर्को फल हो, अमला । अमलामा भिटामिन सी पाइन्छ, जसले तनाव उत्पन्न भएका कारण रगतमा आएको रासायनिक परिर्वतनलाई पूर्ववत अवस्थामा पु¥याउन मद्दत गर्छ । त्यही भएर तनावपूर्ण दिनहरूमा प्रतिदिन दुइटा अमला खाने गर्नु राम्रो हुन्छ ।

६-जौ

जौमा घुलनशील फाइबरको मात्रा उच्च हुन्छ, जसले तनावका कारण कोलेस्टरोलको मात्रामा हुनसक्ने वृद्धि र मुटुसम्बन्धी रोगलाई रोक्न मद्दत गर्छ । तनावपूर्ण दिनमा जौको पिठोबाट बनेका खानेकुरा खानु राम्रो हुन्छ ।

७-स्याउ

स्याउमा फोस्फोरस र आइरन प्रशस्त मात्रामा पाइन्छन्, जसले तनाव कम गर्न मद्दत गर्छन् । तनाव उत्पन्न भएको बेला खुम्चिएका कोषिकालाई यसले पूर्वअवस्थामा ल्याउन मद्दत गर्छ, जसले गर्दा तनावको असर कम हुँदै जान्छ । खासगरी तनावपूर्ण अवस्थाबाट गुज्रिएको बेला प्रतिदिन एउटा स्याउ खानु उपयुक्त हुन्छ ।

८-कुरिलो

तनाव उत्पन्न भएको बेला शरीरलाई शान्त र पूर्ववत अवस्थामा ल्याउन भिटामिन बीको आवश्यकता पर्छ । त्यही भएर तनाव उत्पन्न भएको बेला कुरिलोको तरकारी, झोल अथवा अचार खानु लाभदायक हुन्छ ।

९-ब्रोकाउली

ब्रोकाउलीमा फोलिक एसिड पाइन्छ, जसले तनाव कम गर्छ मद्दत गर्छ । तनावपूर्ण अवस्थामा खानासँग ब्रोकाउली खानु उपयुक्त हुन्छ ।