लकडाउन उल्लंघन गरे सडकमा दुई घण्टा उभिनुपर्ने

काठमाडौं – लकडाउन उल्लंघन गर्ने व्यक्ति अबदेखि सडकमै दुई घण्टा उभिनुपर्ने भएको छ ।

बिनाकारण सडकमा निस्किए भेटिएकै स्थानमा दुई घन्टा उभ्याइने नीति लिईएको नेपाल प्रहरीले जनाएको छ ।

अहिलेसम्म ललितपुरबाट साढे दुई सय, भक्तपुरबाट ४० र काठमाडौंबाट गरी एक हजार ७० जनालाई होल्ड गरिसकिएको महानगरीय प्रहरी आयुक्तको कार्यालय, रानीपोखरीका प्रमुख विश्वराज पोखरेलले बताए ।

सडकमा उभ्याएर उनीहरुलाई कोरोना भाइरसबारे सचेतनामूलक प्रशिक्षण दिइने प्रहरीले जनाएको छ ।

यसअघि लकडाउन उल्लंघन गर्नेलाई नियन्त्रणमा लिइँदै आएको थियो ।