यूएईमा रहेका थप २ जना नेपालीमा कोरोना पुष्टी

युएई – यूएईमा रहेका थप २ जना नेपालीमा कोरोना भाईरसको संक्रमण पुष्टी भएको छ । युएईको स्वास्थ्य तथा रोकथाम मन्त्रालयका अनुसार दुई जना नेपालीसहित ७२ जना नयाँ संक्रमित फेला परेका हुन् ।

सँगै युएईमा संक्रमितको संख्या ४ सय ५ पुगेको छ ।

यसअघि कोरोना संक्रमित दुईजना नेपाली उपचारपछि निको भएका थिए । सरकारी अधिकारी अनुसार, दुई जना नेपालीसहित हालसम्म ५५ जना उपचारपछि घर फर्किएका छन् ।

शुक्रबार फेला परेका नयाँ संक्रमितहरुमा नेपाल सहित श्रील‌ंका, जोर्डन, प्यालेष्टाइन, सिरिया, इरान, कोमोरोस, चीन, साउदी अरब, काजकिस्तान, सर्भिया, ग्रीस, उरुग्वे, रोमानिया, स्विडेन, दक्षिण अफ्रिका, इराक, यमन, इथोपिया, इमराती, बेलायत, पाकिस्तान, लेबनान, भारत र बंगलादेशका नागरिक रहेको छन् ।