रूसमा आजदेखि रेष्टुरेन्ट तथा क्याफे बन्द, अन्तराष्ट्रिय हवाई सेवा पनि ठप्प

एजेन्सी-रूसले आफ्नो देशमा रहेका सबै रेस्टुरेन्ट तथा क्याफे बन्द गर्ने निर्णय गरेको छ । आज शनिबारदेख एक हप्तासम्म रेस्टुरेन्ट तथा क्याफेरूलाई बन्द गर्न रुसी सरकारले निर्देशन दिइएको हो ।

रुसका सरकारी अधिकारीले विज्ञप्ती निकालेर घरभन्दा बाहिर खानपिनका लागि जम्मा हुन नपाइने र सबै व्यवसाय बन्द गर्न निर्देशन दिएको हो

राष्ट्रपति भ्लादिमिर पुटिनले गएको बिहिवार नै एक हप्ताका लागि काम बन्द गर्ने घोषणा गरेका थिए ।

सरकारले शुक्रबारदेखि अन्तराष्ट्रिय हवाई सेवा पनि बन्द गरेको छ ।

रूसमा पछिल्लो समय कोरोना भाइरसबाट संक्रमितको सङ्ख्या बढ्दै गएको छ ।

शुक्रबार सम्मको विवरण अनुसार रूसमा कोरोना भाइरसका कारण कम्तीमा दुई जनाको मृत्यु भएको छ भने ८४० जना सङ्क्रमित भएका छन् ।