‘कोरोना युद्ध’ बारे कोरियाली राष्ट्रपति मुनले सम्बोधन गर्ने

सोल-दक्षिण कोरियाली राष्ट्रपति मुन जाइ इनले आगामी जी २० सम्मेलनमा विश्व अर्थतन्त्रको नेतृत्व गर्ने मुलुकका प्रतिनिधिहरु समक्ष आफ्नो देशले कोरोना विरुद्धको लडाइमा आफूले प्रयोग गरेको सकारात्मक तथा प्रभावकारी विधिको बारे जानकारी गराउने भएको छङ्गवादेले बताएको छ ।

आफ्ना फ्रान्सका सहकर्मी इमान्युअल मार्कन सँग भएको टेलीफोन वार्ताका क्रममा मुनले आफूले आगामी जी २० सम्मेलनका समयमा विश्वभर आतंक फैलाइरहेको कोरोना भाइरस तथा सो भाइरससँग लड्न कोरियाले अवलम्वन गरेको प्रभावकारी विधिका बारेमा विश्व अर्थतन्त्र हाँक्ने देशहरुका प्रतिनिधिहरुलाई जानकारी दिने बताएका हुन् ।

आज विहिवार बेलुकी ९ बजेबाट सुरु हुने विश्व सम्मेलनमा क्वारेन्टाइन व्यवस्थापन, विश्व अर्थतन्त्रलाई कसरी बचाउने, स्वास्थ्य क्षेत्रमा कसरी प्रभावकारी लगानी गर्ने लगायतका विषयमा छलफल हुने राष्ट्रपतिका सल्लाहकार युन जाइ क्वानले बताएका छन् ।

मुनले आगामी सम्मेलनमा कोरियाको प्रभावकारी कोरोना रोकथाम प्रविधि, पारदर्शी सुचना संप्रेशषण लगायतका बारेमा विश्वका देशहरुलाई जानकारी दिने पनि राष्ट्रपतिको कार्यालयले जनाएको छ ।

यसका अलावा मुनले हाल यात्रा प्रतिवन्ध लागेको परिस्थितिमा कसरी एक देशबाट अर्को देशमा आर्थिक सहयोग तथा साहायता गर्न सकिन्छ भन्ने बारे पनि प्रतिवेदन प्रस्तुत गर्ने बताइएको छ ।