‘लकडाउन’मा समस्या परे ११८० मा फोन गर्न सकिने

काठमाडौं – कोरोना भाइरसको संक्रमण फैलिन नदिन सरकारले लक डाउन गरेको छ । लक डाउनको यो अवधिमा अत्यावश्यक काममा बाहेक सवारीसाधन गुडेका छैनन् । लक डाउनको समयमा केही जिज्ञासा र समस्या समाधान गर्न काठमाडौं महानगरपालिकाले हटलाइन टेलिफोन सेवा सुरु गरेको छ ।

महानगरले सर्वसाधारणको सुविधाका लागि हटलाइन नम्बर ११८० सञ्चालनमा ल्याएको हो । यस्तै, कोरोनासँग सम्बन्धित जानकारी वा परामर्श आवश्यक परे मोबाइल नम्बर ९८४९८५६६७१, ९८४९८५६६७२ र ९८४९८६०५४७ मा समेत सम्पर्क गरेर जानकारी लिन सकिने महानगरपालिकाकी जनस्वास्थ्य अधिकृत मञ्जु मास्केको भनाई छ ।