बेलायत ‘लकडाउन’ : नयाँ नियम लागु, दुईजना भन्दा बढी जम्मा हुन नपाउने

एजेन्सी – बेलायतमा कोरोना भाइरसको संक्रमण तीव्र गतिमा फैलिँदै गएपछि नयाँ नियम लागु भएको छ ।
दुईजना भन्दा बढी जम्मा हुन नपाउने नियम लागु भएको हो ।

नयाँ नियम अनुसार मानिसहरु दिनको एकपटक मात्रै घर बाहिर निस्कन पाउने छन् । यस्तै अत्यावश्यक काममा जान, अत्यावश्यक सामग्री किन्नका लागि एकपटक मात्रै निस्कन पाइने भएको छ ।

औषधि पसल तथा अत्यावश्यक सामग्री बाहेकका पसल बन्द गर्न सरकारको निर्देशन छ ।

बेलायतमा अहिलेसम्म कोरोना भाइरसका कारण ३३५ जनाको ज्यान गएको छ । ६६ सय ५० जना संक्रमित भएका छन्।