ग्याँसको नयाँ सिलिण्डर किनबेच नहुने, घरमा थुपारेको पाईए कारबाही

काठमाण्डौ – कोरोना भाइरसको डरका कारण पछिल्लो समय ग्यास संचित गर्नेको क्रम बढेको गएको छ । ग्याँसको अनावश्इक संचित गर्नेको संख्या बढ्दै गएसँगै नेपाल एलपी ग्यास उद्योग संघले सूचना निकालेर ग्यास किन्नेको संख्या, बाँकी रहेको ग्यास, उपभोक्ताको नाम, ठेगाना, सम्पर्क नम्बरसहितको विवरण सम्बन्धित उद्योगमा दैनिक लिखित रुपमा बुझाउन विक्रेतालाई निर्देशन दिएको छ ।

यस्तै नेपाल आयल निगमले निर्धारण गरेको उपभोक्ता मूल्यमा मात्र ग्यास बेच्न पाउने र तत्काललाई नयाँ सिलिण्डर बेच्न पनि संघले प्रतिबन्ध लगाएको छ । घरमा दुई वटा भन्दा धेरै ग्यास नराख्न पनि संघले उपभोक्तालाई आग्रह गरेको छ ।

संचिती बढ्दा कसैको घरमा चुलो नबल्ने अवस्था आउने भएकाले दुई वटा भन्दा धेरै ग्यास नराख्न आग्रह गरिएको हो । दुई वटाभन्दा धेरै ग्यास संचित गरेको पाइए उपभोक्ता संरक्षण ऐनमा उल्लेख भएअनुसार कारबाही हुने संघले चेतावनी दिएको छ ।