स्पेनिस फुटबल प्रशिक्षकको कोरोना भाइरसबाट मृत्यु

काठमाडौं – कोरोना भाईरसको संक्रमणबाट स्पेनिस फुटबलका कोच फ्रान्सिस्को गार्सियाको ज्यान गएको छ ।

गोल डटकमका अनुसार पछिल्लो साता स्वास्थ्यमा समस्या आएपछि २१ वर्षका गार्सियामा ल्युकोमियासँगै कोरोना संक्रमण भेटिएको थियो ।

लगत्तै उनलाई मलागाको क्षेत्रीय अस्पतालमा भर्ना गरिएको थियो । कोरोना संक्रमणबाट मलागा क्षेत्रमा शिकार हुने उनी पहिलो युवा र पाँचौं व्यक्ति हुन् ।

गार्सियाले सन् २०१६ देखि एट्लेटिको पोर्टाडा एल्टाज युवा टिमको म्यानेजरको भूमिका निर्वाह गरेका पनि गोल डटकमले जनाएको छ ।