कोरोना विरुद्धको खोप पहिलो पटक मानिसमा परीक्षण

काठमाण्डौ – कोरोना भाइरसविरुद्धको खोप पहिलो पटक मानिसमा परीक्षण गर्न लागिएको छ । परीक्षणमा ४५ जना वयस्क अमेरिकी स्वयंसेवी सहभागी हुने बीबीसीले जनाएको छ ।

भ्याक्सिनलाई  mRNA-1273 नाम  राखिएको छ । खोप परीक्षण अमेरिकाको सियाटलमा हुँदैछ ।

खोपले बिरामीको कोषलाई भाइरसको सङ्क्रमणबाट जोगाउन वा रोगविरुद्ध लडेर निको पार्न आवश्यक प्रोटीन उत्पादन गर्न सक्रिय बनाउने वैज्ञानिकको योजना छ ।

अमेरिकी सरकारले उपलब्ध गराएको खर्चमा सुरु गर्न लागिएको पहिलो चरणमा कोरोना भाइरसविरुद्धको भ्याक्सिनको मात्राले प्रतिरक्षा प्रणालीले कुनै प्रतिक्रिया जनाए वा नजनाएको जाँच हुनेछ ।