कोरियाली युद्धमा मारिएका ४ सैनिकको कंकाल भेटियो

सोल-सन् १९५०-५३ मा कोरियाली प्रायद्वीपमा भएको युद्धताका मारिएका ४ जना कोरियाली सैनिकहरुको मानव कंकाल हालै जमिनमुनि फेला परेको छ ।

६७ बर्षपछी भेटिएका उक्त शवहरु उत्तर र दक्षिण कोरियाको सिमाना डीएमजेड क्षेत्रभित्र भेटिएको हो ।

कोरियाली युद्ध अन्त्य हुनुभन्दा करिव २ साता पहिले भएको लडाइमा मारिएका विश्वास गरिएका ती सैनिकहरु मध्ये एक जना फस्ट क्लास सर्जेन्ट, एक जना स्टाफ सर्जेन्ट तथा दुई जना सिपाहिहरु रहेको बताईएको छ ।

उक्त क्षेत्रमा भएको भिषण युद्धमा धेरै सैनिकहरुको मारिएको भएता पनि मृतकहरुको लाश भने फिर्ता ल्याउन सकिएको थिएन ।

हाल उत्तर कोरियाको सीमावर्ती डीएमजेड क्षेत्रमा गरिएको उत्खननमा ती मानव कंकालहरु पाइएका हुन् । गत वर्ष पनि ३ जनाको मानव कंकाल भेटिएको थियो ।

दक्षिण कोरियाली समाचारहरुमा जनाइए अनुसार उक्त क्षेत्रमा गरिएको उत्खनन्मा करिव २ सय ६० सिपाहिका करिव २ हजार वटा मानव अवशेष तथा करिव ७० हजार थान सैन्य सामाग्रीहरु फेला परेका छन् ।

अधिकारीहरुका अनुसार उक्त युद्धमा करिव ४० हजार जनाको ज्यान गएको थियो भने जुलाई २७ मा विधिवत रुपमा युद्ध सकिएको थियो ।