भीडभाड गर्न र अरुलाई पानी छ्याप्न पाइदैन, होली खेल्न पाईन्छ

काठमाडौं – काठमाडौं जिल्लाका प्रमुख जिलला अधिकारी जनकराज दाहालले परिवारसँग मिलेर होली खेल्न पाइने तर भीडभाड गर्ने होहल्ला गर्ने र अरुलाई पानी छ्याप्दै हिड्न नपाईने बताएका छन् ।

आम मानिसमा होली खेल्न रोक लगाएको हो कि भन्ने भ्रम परेको सन्दर्भमा प्रमुख जिल्ला अधिकारीले सौहार्दपूर्ण वातावरगणमा होली खेल्दना केही नहुने बताए ।

उनले एकै पटक धेरै ठूलो समूहमा नहिड्न, कन्सर्ट नगर्न र पानी अरुलाई नछ्याप्न अनुरोध गरे ।

आफूहरुले होली मनाउन नपाउने नभनेका भन्दै उनले चिसो र पानीमा कोरोना भाइरस सक्रिय हुने भएकाले जोगिनुपर्छ भनेर अनुरोध गरेका बताए ।

महानगरीय अपराध महाशाखाका प्रमुख एसएसपी सहकुलबहादुर थापाले जिल्ला प्रशासन कार्यालय तथा गृह मन्त्रालयको निर्देशन अनुसार होली सभ्य तरिकाले मनाउन प्रहरी परिचालन हुने बताए ।

यो पटकको होली खेल्दा कोरोनाको उच्च जोखिम हुने भएकाले समूहमा होली नखेल्न र पानीमा नभिज्न एसएसपी थापाले सबैमा अनुरोध गरे ।

गृह मन्त्रालयले कोरोना भाइरसको जोखिमलाई ख्याल गर्दै होली मनाउन अनुरोध गरिसकेको छ ।