कोरोनाले नेपालमा नाकाबन्दी हुनसक्छ !

काठमाडौं-कोरोना भाइरसका कारण नेपालमा नाकाबन्दी हुन सक्ने सरोकार राख्ने व्यक्तिहरुले आशंका गरेका छन् ।

३० देखि ४० जना व्यक्तिमा मात्रै कोरोनाको संक्रमण देखिए नेपालमा नाकाबन्दी हुन सक्ने स्वास्थ्य सेवा विभागका महानिर्देशक तथा स्वास्थ्य तथा जनसंख्या मन्त्रालयका प्रवक्ता महेन्द्रकुमार श्रेष्ठले बताए ।

कोरोना भाइरसबाट बच्न सावधानी अपनाउनु पर्ने शुक्रराज ट्रपिकल तथा सरुवा रोग अस्पतालका चिकित्सक डा. राजेश कुमार शाहले बताए ।

६० वर्षभन्दा माथिका नागरिक, डाइबिटीज, मुटु सम्बन्धि समस्या र दमका रोगीहरुलाई संक्रमणको दर बढी देखिएको उल्लेख गर्दै उनले समय-समयमा साबुनपानीले हात धुनुपर्ने बताए ।

पहिलो पटक कोरोनाको आशंकामा ट्रपिकल सेन्टरमा भर्ना भएका एकजनामा बाहेक यसको संक्रमण देखिएको छैन् । संक्रमण देखिएका व्यक्तिपनि उपचार पछि घर फर्किसकेका छन् ।